'बाहुबली' सिनेमातून प्रेक्षकांमध्ये स्वतःचं वेगळं स्थान निर्माण करणारा प्रभास सध्या स्वतः सुद्धा होम क्वारंटाईनमध्ये आहे.काही दिवसांपूर्वीच प्रभास त्याच्या सिनेमाचं शूटिंग संपवून परदेशातून भारतात परतला आहे त्यामुळे त्यानं स्वतःला घरात बंद करुन घेतलं आहे. मात्र असं असतानाही सामाजिक भान ठेवत त्यानं कोरोनाग्रस्तांसाठी 3 कोटी पंतप्रधान मदत निधी आणि प्रत्येकी आंध्रप्रदेश आणि तेलंगणा मुख्यमंत्री मदत निधीसाठी दान केले आहेत. यानुसार प्रभासनं कोरोनाग्रस्तांसाठी एकूण 4 कोटी रुपये दान केले आहेत.
प्रभास काही दिवसांपूर्वीच जॉर्जियामधून भारतात परतला आहे. या ठिकाणी त्याचा आगामी सिनेमा 'प्रभास 20'चं शूटिंग सुरू होतं. या सिनेमात त्याच्यासोबत पूजा हेगडे सुद्धा दिसणार आहे. जॉर्जियातून परतल्यावर या दोघांनीही खबरदारी म्हणून स्वतःला 14 दिवसांसाठी होम क्वारंटाईन केलं आहे.प्रभासच्या अगोदर साउथ अभिनेता पवन कल्याणनं 2 कोटी, त्याचा भाचा आणि अभिनेता रामचरणनं 70 लाख रामचरणचे वडील आणि तेलुगू सुपरस्टार चिरंजीवी यांनी 1 कोटी आणि युवा सुपरस्टार महेश बाबू यानं 1 कोटी रुपये मदत निधीमध्ये दान केले आहेत.
Post a Comment